news_header_top_970_100
16+
news_header_bot_970_100

"Адмирал" сәүдә үзәгендәге янгын турындагы эшнең төп фигуранты сак астына алынды

Казанның Совет районы суды шундый карар кабул итте

(Казан, 13 март, «Татар-информ», Алсу Сафина). "Адмирал" сәүдә үзәгендәге янгын турындагы эшнең төп фигуранты - "Заря" ҖЧҖ җитәкчесе, "Адмирал" сәүдә йорты арендаторы Гусейн Гахраманов 1 ай һәм 29 тәүлеккә, 11 майга кадәр, сак астына алынды.

Казанның Совет районы суды шундый карар кабул итте.  "Гусейн Гахрамановка карата 2015 елның 11 маена кадәр, 1 ай да 29 тәүлеккә кадәр, сак астына алырга", - дип игълан итте хөкемдар.

Хөкем карарына карата соң өч тәүлек эчендә шикаять бирергә була. 

Искәртеп узабыз: 30 яшьлек Гусейн Гахраманов кичә тоткарланды. Тикшерүчеләр  аны сак астына алу турында сорап судка мөрәҗәгать итте.  

autoscroll_news_right_240_400_1
autoscroll_news_right_240_400_2
news_bot_970_100