Әдилә Галәветдинова Уфада узган «Башкортстан этно-гүзәле-2026» бәйгесендә Гран-при яулады
Скопировать ссылку
Фото: Бөтендөнья татар конгрессының Башкортстандагы вәкиллегенең «ВКонтакте» социаль челтәрендәге төркеме
Уфа фән һәм технологияләр университетының «Сәләт» татар музыкаль-шигъри театры катнашучысы Әдилә Галәветдинова Уфада узган «Башкортстан этно-гүзәле-2026» этник матурлык һәм талантлар төбәк конкурсында Гран-при яулады. Бу хакта Бөтендөнья татар конгрессының Башкортстандагы вәкиллегенең «ВКонтакте» социаль челтәрендәге төркемендә хәбәр ителә.
Бәйгенең финалында ул татар этносы мәдәниятен тәкъдим итте.
«Әдиләне чын күңелдән котлыйбыз һәм уңышлар телибез!» - диелә хәбәрдә.