Абросимова: «Татарстан яшьләренең 60 проценттан күбрәге тавыш бирүдә катнашырга әзер»
Татарстан яшьләре Конституциягә төзәтмәләр кертүгә тавыш бирүдә актив катнаша.
(Казан, 1 июль, «Татар-информ», Гөлүзә Ибраһимова). Татарстан яшьләренең 60 проценттан күбрәге илнең төп документына төзәтмәләр кертүгә тавыш бирүдә катнашырга әзер. Бу хакта Татарстан Республикасы Яшьләр хөкүмәте рәисе Алла Абросимова сөйләде.
«Татарстан яшьләренең 60 проценттан күбрәге тавыш бирүдә катнашырга әзер. Аларның төзәтмәләрне кертүгә карата карашларын белмибез, тик яшьләрнең активлык дәрәҗәсе югары. Тавыш бирүдә яшьләр бик актив катнаша. Яшләр — уңышлы җәмгыять нигезе. Татарстан яшьләренең актив булуын бик күп чараларда күренә», — диде ул.
Алла Абросимова яшьләрне актив гражданлык позициясен белдерергә һәм тавыш бирүдә катнашырга өндәде.