Мәдәният 9 сентябрь 2017 10:15

Абдулла Алиш исемендәге премиянең яңа кандидаты билгеле булды

Премиягә 2014 елда Татарстан китап нәшриятында чыккан "Алдамыйм" шигырьләр җыентыгы өчен Ленар Шәех лаек дип табылган.

Скопировать ссылку

(Казан, 9 сентябрь, «Татар-информ», Рузилә Мөхәммәтова). Татарстан Язучылар берлегенең кичә үткән чираттагы идарә утырышында Абдулла Алиш исемендәге премиянең яңа кандидаты расланды, дип хәбәр итә Татарстан Язучылар берлегенең матбугат хезмәте.

Идарә утырышы карары белән, балалар әдәбиятын үстерүдәге хезмәтләре өчен язучыларга һәм иҗат коллективларына бирелә торган мәртәбәле премиягә 2014 елда Татарстан китап нәшриятында чыккан "Алдамыйм" шигырьләр җыентыгы өчен Ленар Шәех лаек булган.

Мәгълүмат өчен. Татарстан язучылар берлегенең балалар әдәбияты өлкәсендәге казанышлары өчен бирелә торган Абдулла Алиш исемендәге премия 1996 елны гамәлгә куелган һәм аның беренче лауреатлары Шәүкәт Галиев белән Ләбибә Ихсанова булган. 1997 ел лауреатлары – Роберт Миңнуллин белән Рөстәм Мингалим. “Сабантуй”, “Салават күпере”, “Ялкын” журналлары да, “Әкият” дәүләт курчак театры да әлеге премия лауреаты.

#Абдулла Алиш премиясе #Ленар Шәех

Сәхифәләр

Абдулла Алиш исемендәге премиянең яңа кандидаты билгеле булды