Җәмгыять 10 декабрь 2022 19:13

Әгерҗе мәктәп-интернатына яңа заманча җиһаз сатып алынган

Скопировать ссылку

Быел Әгерҗе сәламәтлек мөмкинлекләре чикле балалар мәктәп-интернаты «Заманча мәктәп» федераль проектына кертелгән. Гадәти мәктәпләрдә әлеге проект кысаларында «Үсеш ноктасы» үзәкләре барлыкка килсә, сәламәтлек мөмкинлекләре чикле балалар өчен үзгә программа тәгаенләнгән. Ул «Доброшкола» дип атала. Бу хакта «Әгерҗе хәбәрләре» сайтында хәбәр ителә.

«Әлеге проект 2019 елдан бирле гамәлдә. 2022 ел җиңелләрдән булмаса да, Татарстан Хөкүмәте сәламәтлек мөмкинлекләре чикле балалар өчен ике мәктәп-интернатны проектка кертү мөмкинлеге тапкан. Аның берсе – Казанныкы, икенчесе – безнеке. «Доброшкола» программасы кысаларында ремонтка, кабинетларны җиһазландыруга 8 млн сум акча бүлеп бирелде», – диде директор Фәридә Закирова.

Учреждениенең 50 еллыгына да зур бүләк булды ул. Мәктәп тормышы сизелерлек үзгәрде. Балаларның укуга, иҗади һәм спорт ягыннан үсүгә омтылышлары барлыкка килде. Балалар логопед, психолог янына шәхси дәресләргә йөри. Хәзер бу бүлмәләр заманча җиһазландырылган.

Сәхифәләр

Әгерҗе мәктәп-интернатына яңа заманча җиһаз сатып алынган