Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
91 еллык тарихы булган Актаныш радиосы музей почмагына экспонатлар туплауны дәвам итә
![91 еллык тарихы булган Актаныш радиосы музей почмагына экспонатлар туплауны дәвам итә](https://tatar-inform.tatar/resize/shd/images/uploads/news/2024/5/7/21a7b4572d85acd53b830430d862dfc5.jpg)
«Татмедиа» АҖ «Актаныш-информ» филиалының радиожурналистлар бүлмәсендә җирле радио тарихына багышланган музей булдырылды. Экспонатлар туплау эше 2023 елда башланып китте.
«Районны радиолаштыру эшен 1933 елда Искәндәр Юнысов башлап җибәрә. Ул бик алдынгы карашлы, зыялы шәхес була. Ул үзе Олыимән авылыннан булган. Әлбәттә, бу чорларда, әле радио эшчәнлеген башлаганда, әллә ни күп мөмкинлекләр дә булмый. Партия заманы булгач, район җитәкчелеге боерыгы белән партия оешмасының «кызыл почмагы» радиофикацияләнә, аннан соң тулаем Актаныш җирлегендә яшәүчеләр дә радио тыңлый башлый», – дип сөйләде «Актаныш-информ» җитәкчесе-баш мөхәрриренең радиотапшырулар буенча урынбасары Әлфия Мөхәммәтова.
![](https://tatar-inform.tatar/images/uploads/a4b3f7422a8dc1bec120991ea3252fc0.jpg)
Фото: © «Татар-информ», Юлай Низаев
Искәндәр Юнысовның оныгы — Илдар Әхмәтшин әлеге вакытта Чаллы шәһәрендә яши. Актаныш районы белән дә элемтәсен өзми, радиога элеккеге радиоҗиһазларны бүләк иткән. Бу уңайдан Актаныш радиосы кабинетында кечкенә музей почмагы барлыкка килде. Тыңлаучылар, клиентлар да радиожурналистлар бүлмәсенә килеп керсә, иң әүвәл, шушы экспонатларга игътибар итә икән. Чыннан да тарихның бәһасы еллар үткән саен арта гына бара.
![](https://tatar-inform.tatar/images/uploads/1d5f561a7021eb57c6c3aa3dbafeeeb5.jpg)
Фото: © «Татар-информ», Юлай Низаев
Актаныш радиожурналистлары билгеләвенчә, алар Илдар Әхмәтшинга бик рәхмәтле. «Радио тарихы — район елъязмасыннан аерылгысыз. Урындагы радио хакында тарихи мәгълүматлар туплауны алга таба да дәвам итәчәкбез», – ди алар.
Музей почмагы экспонатлары арасында тарихи документларны, Советлар союзы чорындагы радиоалгычларны һәм дикторларның микрофоннарын күрергә мөмкин.
Кызыклы яңалыкларны күзәтеп бару өчен Телеграм-каналга язылыгыз