Җәмгыять 22 май 2007 18:34

9 татарстанлы законсыз рәвештә балык тоткан өчен суд каршына басачак

Скопировать ссылку

(Казан, 22 мая, «Татар-информ», Елена Чембаева). Узган атнада Татарстанда ТР Эчке эшләр министрлыгының Әйләнә-тирә мохитне саклау өлкәсендә хокук бозуларга каршы көрәш идарәсе хезмәткәрләре тарафыннан җыелган материаллар буенча 8 җинаять эше кузгатылган. Бу турыда “Татар-информ” агентлыгы хәбәрчесенә әлеге ведомство штабының инспекторы, милиция лейтенанты Артур Фәйзриев хәбәр итте.

Законсыз рәвештә балык тоткан өчен барлыгы 9 татарстанлы, шул исәптән Казансуның сул ярында ятьмә белән законсыз рәвештә балык тоткан өчен 3 казанлы һәм Мишә елгасында балык тоткан шәһәр яны кешесе тоткарланган. Зәй елгасында Түбән Кама, Карабаш сусаклагычында Әлмәт кешесе, Иделнең уң ярында Буа кешесе тотылган, аңардан көймә һәм ятьмә алынган. Шулай ук Зәй елгасында Түбән Каманың ике кешесе электр кармагы белән законсыз рәвештә балык тоткан өчен тоткарланган.

Сәхифәләр

9 татарстанлы законсыз рәвештә балык тоткан өчен суд каршына басачак