news_header_top_970_100
news_header_bot_970_100

Татарстанның халык рәссамы Валерий Скобеев вафат булды

Татарстанның халык рәссамы Валерий Скобеев вафат булды
Татарстан Мәдәният министрлыгы

83 яшендә Россиянең атказанган рәссамы, Татарстанның халык рәссамы, Татарстан Республикасының атказанган сәнгать эшлеклесе Валерий Скобеев вафат булды. Бу хакта Татарстан Мәдәният министрлыгының матбугат хезмәте хәбәр итә.

«Татарстан Республикасы Мәдәният министрлыгы Валерий Скобеевның туганнарының һәм якыннарының тирән кайгысын уртаклаша», – дип билгеләп үттеләр республика ведомствосында.

Иҗат эшлеклесе киң фикерләүне һәм тормышка тирән фәлсәфи анализны таләп итә торган сюжетлы тематик картиналар иҗат итте. Ул композиция төзү эшен көчле тоемлады һәм гармонияле төсләр күнекмәләрен белә иде.

1972 елда ул «Дорога» дип аталган мөһим картинасын ясый. Нәкъ менә анда рәссамның романтик стиле, композициянең сферик төзелеше, күп хәрәкәт һәм ракурслары ачыклана.

Үзенең иҗади тормышы дәверендә Скобеев Татарстанның мәдәният һәм сәнгать эшлеклеләренә багышланган күп кенә әсәрләр иҗат иткән. 1988 елда аңа «Татарстан Республикасының халык рәссамы» исеме бирелә.

Рәссам белән хушлашу 31 июльдә иртәнге 10.00 сәгатьтә ТР Дәүләт сынлы сәнгать музеенда (Сандецкий усадьбасы паркы) узачак.

news_right_column_1_240_400
news_right_column_2_240_400
news_bot_970_100