news_header_top
16+
news_header_bot
news_top

МАХ мессенджерында 80 миллион кеше теркәлгән

Фото: © «Татар-информ»

МАХ илкүләм мессенджерында теркәлүчеләр саны 80 миллионнан узып китте. Бу хакта компаниянең матбугат хезмәтендә хәбәр иттеләр.

Рекордлы күрсәткеч декабрь аенда теркәлгән һәм 51 миллион актив кулланучыны тәшкил иткән. Мессенджер эшли башлаганнан бирле кулланучылар 10 миллиардтан артык хәбәр җибәргән һәм 2,2 миллиард тапкыр шалтыраткан.

Блогерлар, компанияләр һәм дәүләт оешмалары 140 меңнән артык ачык канал булдырган, аларның гомуми аудиториясе 45 миллионга җиткән.

Кушымтада шулай ук яңартылган каналлар витринасы барлыкка килде: «Чатлар» бүлегендә үзеңне кызыксындырган теманы сайларга, тәкъдимнәрне өйрәнергә һәм яңа авторлар белән танышырга мөмкин.

news_right_1
news_right_2
news_bot