8 декабрьнең төп вакыйгалары - фото һәм сылтамалар
Шиһабетдин Мәрҗанига музей ачылды, Татарстанда Онлайн энциклопедия әзерләнә, Польша татарларының "Мөселман календаре" басылып чыкты.
Рөстәм Миңнеханов соципотека буенча торак алган чаллыларны яңа өйгә күчүләре белән котлады/ Бүген яңа йортка 183 гаилә күчә. Фатирларны бюджет өлкәсе, җирле предприятиеләр хезмәткәрләре һәм махсус грант откан табиблар алды.
«Татар җыры – 2017» фестиваленең номинантлары билгеле булды/ Быел лауреатлар исемлегендә җырчы Ришат Тѳхвәтуллин да бар.
Польша татарларының "Мөселман календаре" басылып чыкты/ Календарьда мөселманнар, татарлар тормышына кагылышлы истәлекле даталар турында мәгълүматлар да бар.
Татарстанда Онлайн энциклопедия әзерләнә/ Онлайн энциклопедия “Татар халкының милли үзенчәлеген саклап калу” дәүләт программасы кысаларында әзерләнә.
Энгель Фәттахов Актаныш Башкарма комитеты башлыгы вазифаларын башкаручы итеп сайланды/ Район башлыгы Фаил Камаев бу вазифадан китте.
Коръәннең хәзерге татар телендә тәфсире әзерләнә/ 2018 елда Изге Китапны татар телендә бер томда чыгарырга ниятлибез, ди мөфти урынбасары Рөстәм хәзрәт Вәлиуллин.
Арча районы Ташкичү авылы төп мәктәбендә Шиһабетдин Мәрҗанига беренче музей ачылды/ Бу вакыйга Ташкичү авылы өчен генә түгел, Татарстан һәм татар дөньясы өчен зур тарихи бәйрәм буларак бәяләнде.
Казанда беренче “СтартУМ” мәктәбе ачыла/ 20 декабрьдә Казанның Себер Тракты урамында ачылачак өстәмә белем мәктәбендә укытуда кытай методлары кулланылачак.
Владимир өлкәсе татарлары: Татарлар бер буында югалтканны, бер буында кайтара да ала/ Владимир өлкәсендә яшәүче милләттәшләр татар теле укытучысы эзләвен хәбәр итте.
Илдар Әбүзәров "Иске Татар бистәсе" арт-резиденциясенә Татарстан язучыларын да чакырды/ Казан һәм Татарстан турында әдәби һәм сәнгать әсәрләре иҗат итәргә мөмкинлек тудыру өчен оештырылган арт-резиденция беренче кунакларны кабул итә.
