Фән һәм мәгариф 12 гыйнвар 2010 11:57

8-11 нче сыйныф укучылары арасында “Яшь тикшеренүче” фәнни эшләр бәйгесе башлана

Скопировать ссылку

(Казан, 12 гыйнвар, “Татар-информ”). Француз теле укытучыларының “Альянс” иҗтимагый оешмасы һәм ТДГПУның француз теле һәм укыту методикасы кафедрасы мәктәптә француз телен өйрәнүче 8-11 нче сыйныф укучылары арасында “Яшь тикшеренүче” дип аталган фәнни эшләр бәйгесен уздыра.

Бәйгегә эшләр агымдагы елның 9 февраленнән алып 30 апрельгә кадәр кабул ителә. Укучылар “Роман филологиясе”, “Француз әдәбияты”, “Илләрне өйрәнү”, “Экология” секцияләрендә көчләрен сынап карый ала.

Конкурсның нәтиҗәләре ТР Мәгариф һәм фән министрлыгы сайтында 2010 елның 15 маена кадәр игълан ителәчәк. Җиңүчеләрне бүләкләү агымдагы еның 18 маенда көтелә.

Сәхифәләр

8-11 нче сыйныф укучылары арасында “Яшь тикшеренүче” фәнни эшләр бәйгесе башлана