5 апрельнең төп вакыйгалары - фото һәм сылтамалар
Сөт җитештерү буенча алдынгы урында Кукмара, Арчада республикакүләм Г.Тукай укулары узачак, "Тарих эзләреннән" бәйгесе җиңүчеләре билгеле булды.
Гүзәл Яхина яңа романын язганда башка барлык проектларыннан баш тарткан / Май аенда “Елена Шубина редакциясендә” язучы Гүзәл Яхинаның “Дети мои” дигән яңа романы дөнья күрәчәк.
Рөстәм Миңнеханов Россия Федерациясе Дәүләт Советы утырышында катнашты / Владимир Путин рәислегендәге утырыш Россия Федерациясе субъектларының илдә конкуренцияне үстерүгә ярдәм күрсәтү эшчәнлеге мәсьәләсе турында иде.
Камал театры Гаяз Исхакыйның мирасын яңадан сәхнәдә күрсәтә / 13, 14, 24 апрельдә Гаяз Исхакый әсәре буенча куелган “Тормышмы бу?..” спектакленең премьерасы була.
Арчада республикакүләм Габдулла Тукай укулары узачак / Яңа Кырлай урта гомуми белем мәктәбе базасында 12 апрельдә VII Республикакүләм Габдулла Тукай укуларында 64 укучының, 54 укытучының эше тыңланачак.
Президент Николай Демидовка «Республика алдындагы казанышлары өчен» орденын тапшырды / Дәүләт бүләге республика иминлеген ныгытуда нәтиҗәле хезмәте һәм актив иҗтимагый эшчәнлеге өчен бирелде.
Рөстәм Зәкуанов “Таттелеком”ның Тукай премиясенә меценатлык өчен тәкъдим ителмәвен әйтә / “Таттелеком” Гаммәви акционерлык җәмгыяте иҗат төркемен җәмәгатьчелек фикеренә таянып, районнар һәм министрлыклар тәкъдим иткән.
Филология фәннәре кандидаты килен төшергәндә ипи каптыру дөрес түгел дип саный / Бу – татарга хас күренеш түгел. Татарлар киленне бал-май белән каршы ала, – ди Луиза Җамалиева.
Сөт җитештерү буенча Кукмара районы - алдынгы урында / Кукмара районында 240 тонна сөт савылган.
"Тарих эзләреннән" бәйгесе җиңүчеләре мәгълүм - исемлек / Җиңүчеләрне бүләкләү тантанасы 13 апрельгә билгеләнгән.
Монреаль татарлары Канада халкына “Беренче театр” тамашасын күрсәтәчәк / Галиәсгар Камалның “Беренче театр” пьесасы буенча куелган тамаша 8 апрельдә тәкъдим ителә.
Болгарда беренче тапкыр «Чәк-Чәй» фестивале узачак / Фестиваль кунакларын чәкчәк тарихы белән таныштырачаклар, әлеге ризыкның төрле вариантларын тәкъдим итәчәкләр.
“Ак Барс” Гагарин кубогында финалга чыкты / Бүген “Ак Барс” хоккей командасы Чиләбенең “Трактор” командасын җиңде. Финалда көндәш әлегә билгеле түгел.
