Бүген Казанда авыл хуҗалыгы ярминкәләре узачак
Скопировать ссылку
Бүген, 5 апрельдә, Татарстан башкаласында традицион авыл хуҗалыгы ярминкәләре узачак. Шәһәрлеләр яшелчә, ит һәм сөт продукциясе, ярдәмче хуҗалык ихтыяҗлары өчен товарларны ваклап сату бәясеннән 15 процентка түбәнрәк бәядән сатып ала алачак.
Сәүдә 6:00 дән 13:00 гә кадәр алып барылачак, дип хәбәр итә Казан мэриясе матбугат хезмәте.
Исегезгә төшерәбез, узган ел Казанда 14 сентябрьдән 29 декабрьгә кадәр булган традицион авыл хуҗалыгы ярминкәләрендә 664,7 млн сумлык продукция сатылган. Бу вакыт эчендә 14 мәйданчыкта барлыгы 16 ярминкә уздырылган.