Фән һәм мәгариф 4 июль 2024 09:36

4-5 июльдә 116 меңнән артык чыгарылыш сыйныф укучысы кабат БДИ тапшыра

Скопировать ссылку

Бүген һәм иртәгә – теләсә кайсы фәннән Бердәм дәүләт имтиханын (БДИ) бирү көннәре. Бу Россия Президенты йөкләмәсе буенча беренче тапкыр башкарыла. «Российская газета» шул хакта яза.

Быел мәктәпне тәмамлаган 116 меңнән артык укучы алган балларын арттырырга карар иткән. Имтиханны кабат тапшыру балларны арттыру мөмкинлеге булса да, бу кыюлар адымы, чөнки элеккеге балл юкка чыга. Балл кабат тапшырылганыннан югары булган очракта да.

Бу көннәрдә имтиханны кабат тапшыруга барлык фәннәр буенча гариза бирелгән. Бигрәк тә җәмгыять белемен тапшырырга теләүчеләр (31 меңнән артык чыгарылыш сыйныф укучысы) күп, бу фән иң күп сайланганы да санала.

21,5 меңгә якын укучы информатика, 12,2 мең укучы рус теле, 11,2 мең укучы химия, 11,1 мең укучы профиль математика, 8,1 мең укучы биология бирә.География буенча кабат имтихан бирүчеләр аз (247 кеше) һәм берничә кеше чит телләр буенча (инглиз теленнән кала 3,6 мең гариза) тапшырырга җыена.

4 июльдә – рус теле, информатика, җәмгыять белеме, физика, химия һәм чит телләр буенча БДИның язма өлеше.

5 июльдә - биология, география, рус әдәбияты, тарих, база һәм профиль математика һәм инглиз теленнән телдән имтихан.

Укучылар кабат бирелгән имтихан нәтиҗәләрен 17 июльдән соңга калмыйча беләчәк.

Сәхифәләр

4-5 июльдә 116 меңнән артык чыгарылыш сыйныф укучысы кабат БДИ тапшыра