Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Төнлә 37 берәмлек махсус техника Казан юлларын эшкәртергә чыккан
Төнлә Казанда юл хезмәтләре шәһәр урамнарын бозлавыкка каршы эшкәрткән. Шәһәр мэриясенең матбугат хезмәте мәгълүматларына караганда, бу эшкә 37 берәмлек махсус техника җәлеп ителгән.
Барлыгы 536 тонна бозлавыкка каршы материал (шуның 96 тоннасы – реагент, 440 тоннасы - ком-тоз катнашмасы) кулланылган.
ТР Гидрометеорология һәм әйләнә-тирә мохитне күзәтү идарәсе мәгълүматларына караганда, төнлә температура -7..-9 градуска кадәр төшкән, шул сәбәпле юл предприятиеләре урамнарның торышына даими мониторинг үткәрә башлаган.
Шәһәр халкын һава шартларын исәпкә алырга, рульдә игътибарлы булырга һәм автомобильләрне кышкы сезонга әзерләргә чакыралар.
Элегрәк Казанда кышкы чорда җәяүлеләрнең иминлеген арттыру өчен урамнарга бозлавыкка каршы катнашма салынган 1,6 мең тартма урнаштырылачагы турында хәбәр ителгән иде. Әлеге катнашма тротуарлар, җәяүлеләр зоналары, җәмәгать транспорты тукталышлары, административ һәм социаль объектлар янындагы территорияләр, шулай ук шәһәр парковкаларын эшкәртү өчен кулланылачак.
Кызыклы яңалыкларны күзәтеп бару өчен Телеграм-каналга язылыгыз