Җәмгыять 25 август 2016 14:18

30 августта Казанда җәмәгать транспорты төр уртасына кадәр йөри

Бәйрәм көнендә җәмәгать транспорты 23 сәгать 30 минутка кадәр йөриячәк.

Скопировать ссылку

(Казан, 25 август, «Татар-информ»). 30 августта, Татарстан Республикасы һәм Шәһәр көне уңаеннан Казан метрополитены көчәйтелгән режимда төн уртасына кадәр эшләячәк. Шулай ук 5нче трамвай маршрутында трамвайлар саны 18гә кадәр җиткереләчәк, дип хәбәр итә Казан мэриясе матбугат хезмәте.

Декабристлар урамы буенча йөрүче 6, 15, 22, 28, 28а, 29, 35, 35а, 37, 47, 74, 74а, 75, 89, 98 нче номерлы автобус маршрутлары саны да арттырыла.

Бәйрәм чаралары тәмамлангач (21.00) махсус җәмәгать транспорты (70 данәдә) Декабристлар урамы 2нче йорт яныннан (Энергоуниверситет тукталышы) Ибраһимов проспекты юнәлешенә 42 автобус: маршрутлар: 45, 60, 18, 6, 15, 36, 46, 75, 33, 35, 37, 62, 89, 43; Декабристлар урамы 1нче йорт («Ак Барс Банк») (Яшьләр үзәге тукталышы) Меңъелллык мәйданы юнәлешенә – 28 автобус: 1, 30, 31, 22, 56, 2, 29, 89, 35а, 33 санлы маршрутлары йөриячәк.

(Надия Шәйхетдинова әзерләде).

#30 август #Шәһәр көне

Сәхифәләр

30 августта Казанда җәмәгать транспорты төр уртасына кадәр йөри