3 августта Польшада Сабан туе узачак
Бәйрәмдә Польшадагы татар авылының 340 еллыгына атап имән агачы утыртачаклар.
Скопировать ссылку
(Казан, 29 июль, “Татар-информ”). 3 августта Польша татарларының Крушиняндагы мөселман мәгариф-мәдәният үзәге мәйданчыгында Сабан туе узачак. Бу хакта Бөтендөнья татар конгрессы сайтында хәбәр ителә.
Бәйрәм программасында Сабан туе кунаклары һәм катнашучылары парады, Крушиняндагы татар авылының 340 еллыгына атап имән агачы утырту, “Бунчук” татар милли бию-вокал ансамбле һәм Литвадан “Эфсане” ансамбле чыгышы, татар ризыклары белән сыйлану, тарихи реконструкция каралган.
