29 сентябрьнең төп вакыйгалары - фото һәм сылтамалар
1 октябрьгә кадәр Татарстанның барлык социаль объектларына җылылык бирелергә тиеш, Татарстан Президенты Көньяк Корея Илчесе белән очрашты.
Дамир Фәттахов Татарстан КВНчыларының «Беренче канал»га чыгуын тели / КВН хәрәкәте социаль лифт һәм үзеңне күрсәтү мөмкинлеге бирә, дип саный Татарстан яшьләр эшләре министры.
Ел ахырына кадәр республикада “Татарстан яшьләре” дәүләт программасы эшләнәчәк / Яшь буынны республикада эшкә урнашу һәм сәләтләреңне тормышта куллану мәсьәләсе борчый.
Сыктывкарда татарлар һәм башкортлар корылтае башланды / Корылтай эшендә ТР Премьер-министры урынбасары, Бөтендөнья татар конгрессының Милли Шура рәисе Васил Шәйхразиев катнаша.
Татар теле ике республикада гына сакланып калырга мөмкин - татар галиме / Фән кандидаты Илдус Фазлетдинов Иван Грозный, Ильминскийлар бетерә алмаган телнең бүгенге көндә юкка чыгуы мөмкин түгел дип саный.
2018 елда Татарстанда торак төзелеше планы 70 процентка диярлек үтәлгән / Ел башыннан Татарстанда 1,6 миллион квадрат метрдан артык торак файдалануга тапшырылган.
Татарстан Президенты Көньяк Корея Илчесе белән туры авиаэлемтә турында сөйләште / Рөстәм Миңнеханов фикеренчә, Корея авиакомпаниясенең Европага оча торган самолетлары Казанда да туктый алыр иде.
1 октябрьгә кадәр Татарстанның барлык социаль объектларына җылылык бирелергә тиеш / Республика төзелеш, архитектура һәм ТКХ министры Ирек Фәйзуллин республикада ягып җылыту сезонын башларга кушты.
Башкортстанның татар язучылары Казанда да танылырга тели / Журналист әйтүенчә, Башкортстанда яшәп иҗат итүче татар язучылары пассив, ә Казан үз борыныннан ары күрми.
Васил Шәйхразиев: Татар халкы үсеше Стратегиясен булдыруда барыбыз да катнашырга тиеш / Татар халкы үсеше турындагы документны Татарстан Республикасы Президентының киләсе Юлламасына кадәр эшләп бетерү бурычы тора.
Камал театры репертуардан төшкән «Үлеп яратты» спектакленең видеоверсиясен күрсәтте / «Үлеп яратты» - яңа менеджмент шартларында эшли башлаган татар театрының тамашачыга игълан итеп, әсәр белән хушлашу оештырылган беренче спектакле.
