29 мартның төп вакыйгалары - фото һәм сылтамалар
Төп дәүләт имтиханы май аенда башлана, "Ел китабы" җиңүчеләре премия алачак, Ригадагы Нәүрүз дүрт мең тамашачыны җыйган.
Илсур Һадиуллин Бердәм дәүләт имтиханындагы үзгәрешләр хакында хәбәр итте/Төп дәүләт имтиханнарын тапшыру май аенда башлана.
Татарстанда китаплары күп укылган авторларга акчалата премия тапшырачаклар/Татарстан Милли китапханәсендә 13 апрель көнне “Ел китабы – 2016” конкурсы җиңүчеләрен котлыйлар.
Республика Коръән уку бәйгесенә 7 яшькә кадәрге балалар елдан-ел күбрәк килә башлаган/Быелгы бәйгедә иң яшь катнашучылар булып - Удмуртиянең Ува шәһәреннән 2 яшьлек Зәйнәб Гатауллина, Түбән Камадан 3 яшьлек Мәхмүд Хафизов танылган.
Рига шәһәрендә үткән Нәүрүз бәйрәменә дүрт меңгә якын кеше җыелган/ Европа татар яшьләре берләшмәсе рәисе Олег Шәрипов сүзләренчә, Ригада массакүләм бәйрәмгә халык беренче тапкыр шулай күпләп килгән.
Путин “КАМАЗ-Мастер” командасы пилоты Николаевны Почет ордены белән бүләкләде/Узышчыга әлеге бүләк халыкара ралли-марафоннарында команда җиңүенә керткән саллы хезмәте өчен тапшырылды.
