29 июньнең төп вакыйгалары - фото һәм сылтамалар
Р.Миңнеханов "КАМАЗ" акционерларының еллык җыелышында катнашты, Тукай турында тарихи ядкарьләр артырга мөмкин, татар театрлары сезонга йомгак ясады.
Рөстәм Миңнеханов: Узган ел һәр җиденче “КАМАЗ” чит илгә чыгарыла иде/ Чаллы автогиганты Татарстан Республикасы машина төзелеше экспортының өчтән бер өлешен тәэмин итә.
Казандагы Тукай музеена шагыйрьнең соңгы көннәрдә яшәгән урыныннан экспонатлар тапшырылды/ Тарихи ядкарьләр Мәскәү урамындагы 70нче йортта урнашкан объектны реставрацияләү вакытында табылган.
Ирек Шәрипов футбол чемпионатының татар милләте өчен файдасы турында сөйләде/ “Әлбәттә, бу уеннарның Казанда, Татарстанда узуы безнең милләтебезне башка шәһәрләргә, илләргә танытуга зур мөмкинлекләр бирә”, - диде ул.
Татар театры җитәкчеләре һәм белгечләре быелгы сезонга йомгак ясады/ Һәр театр директоры үзләренең еллык казанышларын уртаклашты.
“Халык җырчысы” бәйгесенең җиңүчесе “Интертат”тан смартфон белән бүләкләнде/ Абсолют җиңүче Юлия Марышева Илсөя Бәдретдинова белән дуэт җырларга теләген белдерде.
