29 апрельнең төп вакыйгалары - фото һәм сылтамалар
"Зенит-Казан" унынчы тапкыр ил чемпионы булды, Мамадыш "Мәдәният бизәкләре" милләтара фестивален кабул итә, республикада янгынга каршы режим кертелә.
Р.Миңнеханов "Зенит"ның җиңүе турында: Саннар иң югары һөнәри осталык турында сөйли/ Президент "Зенит-Казан" уенчыларының унынчы тапкыр ил чемпионнары булуын, бишенче тапкыр рәттән беренчелекне яулауларын билгеләп үтте.
Ф.Мөхәммәтшин “Зенит-Казан” җитәкчелеген унынчы тапкыр Россия чемпионы булулары белән котлады/ Санкт-Петербургта хәлиткеч уенда Татарстан Республикасы Дәүләт Советы рәисе җанатарлар арасында иде.
"Мәдәният бизәкләре” V республика милләтара яшьләр фестивале Мамадышта узачак/ Фестивальдә катнашу өчен гаризалар кабул итү бүген төгәлләнә.
Кариев театры Фирүзә Зиннәтуллина юбилеена «Мәхәббәт күгәрченнәре» комедиясен чыгарды/ Театрда Татарстанның атказанган артисты Фирүзә Зиннәтуллинаның юбилее узды.
Иртәгәдән республика территориясендә янгынга каршы режим кертелә/ Махсус режим 30 апрельдән 15 майга кадәр гамәлдә булачак.
