26 октябрь көнне Казанның Киров районындагы кайбер йортларга су бирелмәячәк
Бу уңайсызлык сәгать иртәнге 9дан кичке 6га кадәр сузылачак
(Казан, 24 октябрь, “Татар-информ”). Казанның Киров районына караган Шоссейная урамындагы су үткәргечкә янгын гидранты куелу сәбәпле, 26 октябрьдә сәгать иртәнге 9дан кичке 6га кадәр түбәндәге йортларга су бирелми тора:
Шоссейная ур., 3, 15, 15а, 17, 17а, 18, 19, 19а, 20, 21, 21а, 22, 22а, 23, 23а, 24;
Шоссейная тыкрыгы, 7;
Шоссейная, Грузовая, Заливная, Бугринская урамнарындагы шәхси йортлар.
Ул көнне Шоссейная, 20 адресы буенча су тутырылган автоцистерна китерелсә дә, “Водоканал” МУП ул йортларда яшәүчеләргә алдан ук су җыеп куярга киңәш итә, диелә мэриянең матбугат хезмәтеннән алынган хәбәрдә.