Җәмгыять 20 ноябрь 2014 09:17

26 декабьдән Казаннан Сочига туры рейслар ачыла

Бу рейс пассажирлары бер комплект чаңгы, сноуборд яки хоккей җиһазларын бушлай алып бара ала

Скопировать ссылку

(Казан, 20 ноябрь, «Татар-информ»). 26 декабрьдән һәр атнада җомга көнне “Казан” халыкара аэропортыннан Казан-Сочи-Казан маршруты буенча туры даими рейслар ачыла.
Самолет Казаннан 13.50 сәгатьтә күккә күтәрелә һәм Сочига 16.35 сәгатьтә төшәчәк. Ә Сочидан 09.35 сәгатьтә кузгала һәм 12.25 сәгатьтә Казанда булачак.
Моннан тыш, “Казан” аэропорты пассажирлары өчен махсус бонус кертелгән: рейс пассажирлары бер комплект чаңгы, сноуборд яки хоккей җиһазларын бушлай алып бара ала. Бу җиһазның авырлыгы исәпкә алынмый һәм бушлай багаж авырлыгы нормасыннан тыш алына, дип хәбәр итә аэропорт матбугат хезмәте.

Сәхифәләр

26 декабьдән Казаннан Сочига туры рейслар ачыла