news_header_top_970_100
news_header_bot_970_100

25 ноябрьдә Путин махсус операциядә катнашучыларның әниләре белән аралашачак

Россия Президенты Владимир Путин 25 ноябрьдә Украинада махсус хәрби операциядә катнашучы хәрбиләрнең әниләре белән очрашачак. Очрашу ноябрьнең соңгы якшәмбесендә билгеләп үтелә торган Әниләр көненә багышлана, дип хәбәр итә Кремльнең матбугат хезмәте.

Элегрәк Кремльдә дәүләт башлыгының хәрби хезмәткәрләрнең гаиләләре белән очрашуы әзерләнүе һәм аның бу атнада узачагы турында сөйләгәннәр иде.

Россия лидеры белән аралашырга мобилизацияләнгән гражданнарның, үз теләге белән катнашучыларның һәм контракникларның әниләрен генә түгел, ә махсус операция үткәрү зонасында хезмәт итүче яки тактик әзерлек һәм хәрби күнекмәләр узучы хәрбиләрнең әниләрен дә чакырдылар.

Шул ук көнне Путин «Ростех» дәүләт корпорациясенең 15 еллыгына багышланган тантаналы чарада катнашачак.

news_right_column_1_240_400
news_right_column_2_240_400
news_bot_970_100