Җәмгыять 14 октябрь 2014 11:59

24 меңнән артык татарстанлыга чит илгә чыгу өчен чик куелган

Бүгенге көндә республиканың 2389 гражданына карата чит илгә чыгуга чикләүләр гамәлдән чыгарылган

Скопировать ссылку

(Казан, 14 октябрь, “Татар-информ”). Агымдагы ел башыннан Татарстанның суд приставлары илдән читкә чыгуны тыю турында 24032 карар чыгарган. Әлеге мәҗбүри үтәттерү чарасына эләгүче бурычлыларның гомуми әҗәте – 8 млрд 464 млн сум. Аларның 8184е – алиментлар түләмәүчеләр. Аларның үз балаларына бурычы 533 млн сумга җиткән.

Бүгенге көндә республиканың 2389 гражданына карата чит илгә чыгуга чикләүләр гамәлдән чыгарылган, чөнки алар җәмгысе 490 млн сумлык бурычларын тулысынча түләгән. Алар арасында 344 әҗәтле ата-ана бурычы турында искә төшереп, 2 млн сум күләмендәге бурычларын каплаган.

Суд приставлары хезмәте үз бурычларың турында белеп тору беркайчан да комачауламавы турында искәртә. Татарстанда яшәүчеләр бу мәгълүматны Суд приставлары федераль хезмәтенең ТР буенча идарәсенең www.r16.fssprus.ru адресы буенча рәсми сайтында белә ала.

Сәхифәләр

24 меңнән артык татарстанлыга чит илгә чыгу өчен чик куелган