2027 елдан абитуриентлар беренче семестр өчен алдан түләргә тиеш булачак
РФ Фән һәм югары белем министрлыгы абитуриентларны уку башланганчы югары уку йортында беренче семестр өчен түләргә мәҗбүр итәргә ниятли. Бу хакта РИА Новости ведомствоның матбугат хезмәтенә сылтама белән хәбәр итә.
Әлеге яңалыкның сәбәбе дип министрлыкта абитуриентларның берьюлы берничә югары уку йорты белән килешү төзүен һәм берничә урын алып тора торган очракларны булдырмау белән аңлаттылар.
Хәзерге вакытта актуаль булган югары уку йортларына кабул итү кагыйдәләре абитуриенттан укырга керү өчен мәҗбүри түләүне таләп итми. Керүче берничә килешү төзегәндә, тиешле түләүле урыннарга башка абитуриентлар дәгъва итә алмый.
«Беренче семестр өчен түләүле кабул иткәндә мәҗбүрилек билгеләнә. Алдан түләү керүченең сайлавын теркәячәк һәм түләүле конкурсны барлык катнашучылар өчен дә төгәлрәк һәм гаделрәк итәчәк», – дип белдерделәр Россия Мәгариф һәм фән министрлыгында.
Ведомствода шулай ук түләүле урыннарга кабул итү тәртибен ана капиталы яки белем бирү кредиты акчалары белән түләү мөмкинлеге турындагы нормалар белән тулыландырырга тәкъдим иттеләр.
Кабул итү тәртибенә үзгәрешләр кертү турында боерык проекты норматив хокукый актлар проектларының федераль порталында басылып чыкты. Әгәр документ кабул ителсә, ул киләсе, 2027 елның 1 мартыннан үз көченә керәчәк.