2026 елдан мәктәпләрдә «Россиянең рухи-әхлакый мәдәнияте» дәресләре керә башлый
РФ Мәгариф министрлыгы агымдагы, 2026 елда мәктәпләрдә «Россиянең рухи-әхлакый мәдәнияте» дәресләрен этаплап кертә башлаячак. Бу хакта ведомство җитәкчесе Сергей Кравцов сөйләде, дип хәбәр итә РИА Новости.
«Яңа уку елында «Россиянең рухи-әхлакый мәдәнияте» фәнен этаплап кертү башланачак, бу фән буенча шулай ук дәреслекләр әзерлибез», – дип белдерде министр.
Яңа дисциплина 2026/27 уку елының икенче өлешеннән бишенче сыйныфларда (курс дәвамлылыгы 17 сәгать тәшкил итәчәк), ә 2027/28 уку елыннан – алтынчы һәм җиденче сыйныфларда (34әр сәгать) кертеләчәк.
Шулай итеп, планнар үзгәрмәгән: Россиянең рухи-әхлакый мәдәниятенә багышланган предметны элек мәктәп программасына 2026 елдан кертергә ниятләгәннәр иде.
Мәгариф министрлыгында әлеге дисциплинаны укыту ярдәмендә укучыларда традицион Россия рухи-әхлакый кыйммәтләренә нигезләнгән дөньяга караш формалаштырырга өметләнәләр.
Узган ел ахырында Кравцов «Россиянең рухи-әхлакый мәдәнияте» Бердәм дәүләт имтиханын тапшыру өчен исемлеккә кертелергә мөмкин дип фаразлаган.