2026 елда иминият пенсияләре ике этапта индексацияләнәчәк
2026 елдан Россиядә иминият пенсияләре ике этапта индексацияләнәчәк. Бу хакта Дәүләт Думасының Мөлкәт, җир һәм милек мөнәсәбәтләре буенча комитеты рәисе, Россия банкының Милли финанс советы әгъзасы Сергей Гаврилов сөйләде дип яза RT.
Парламентарий сүзләренчә, февральдә пенсияләр инфляцияне исәпкә алып киредән санала, ә апрельдә Россия Социаль фондында җыелган акчага бәйле рәвештә өстәләчәк.
«Әгәр уртача хезмәт хаклары инфляциядән югарырак булса, тагын өстәлергә мөмкин. Әмма аның дәрәҗәсе барыбер реаль керемнәр күләме белән чикләнгән <...>», – диде Гаврилов.
Мәсәлән, гражданин агымдагы елда 23 мең сум иминият пенсиясе ала икән, 5 проценты инфляция булганда һәм киләсе елда 24 150 сумга арта. Әгәр Социаль фонд керемнәре тагын 2 процентка индексация ясарга мөмкинлек бирсә, апрельдә пенсия күләме 24 633 сумга җитәчәк. Гомуми сумма – 1633 сум була.
«Шул ук вакытта төгәл күрсәткечләр эш бирүчеләр взносы һәм башка керемнәр хисабына күпмегә артуга бәйле», – диде депутат.