2026 елда «больничный» буенча түләүләрнең максималь күләме билгеле
2026 елның гыйнварыннан «больничный» буенча түләүләрнең минималь һәм максималь күләмнәре артты. Бер көн эчендә пособиенең максималь күләме хәзер 6827 сум тәшкил итә. Больничныйларны исәпләү үзенчәлекләре турында «Татар-информ» га биргән интервьюсында Россия Социаль фондының Татарстан Республикасы буенча бүлеге идарәчесе Эдуард Вафин сөйләде.
«Әгәр эш стажы сигез елдан артык булса, вакытлыча эшкә яраксызлык буенча пособие күләме тулы календарь айга 211 649 сумга җитәргә мөмкин», - дип билгеләде ул.
Әгәр хисап чорының ике елында хезмәткәрнең хезмәт хакы булмаса яки ул минималь хезмәт хакы күләменнән түбән булса, больничныйны исәп-хисап минималь хезмәт хакыннан чыгып башкарыла. 2026 елның 1 гыйнварыннан МРОТ 27 093 сум күләмендә билгеләнгән. Көнлек пособиенең күләме минималь хезмәт хакын эшкә сәләтсезлек чоры туры килә торган айның календарь көннәре санына бүлү юлы белән билгеләнә.
Шул ук вакытта тулы ай өчен пособиенең минималь күләме минималь күләмнән түбән була алмый: 2026 елда 30 көнлек айлар өчен уртача тәүлеклек пособие 903 сум тәшкил итә, 31 көнлек айлар өчен – 873 сум, февраль өчен (28 көн) – 967 сум.