2026 елда беренче балага ана капиталы 737 мең сумга кадәр артачак
Скопировать ссылку
2026 елда беренче бала туганда ана капиталы күләме хәзерге 690 266 сумнан 737 205 сумга кадәр артачак. Бу хакта РФ Дәүләт Думасының гаиләне яклау, ата-ана һәм бала мәсьәләләре комитеты рәисенең беренче урынбасары Татьяна Буцкая сөйләде, дип хәбәр итә РИА Новости.
РФ Социаль фонды бюджеты проекты нигезендә, 2027 елда беренче балага ана капиталы 766 693,3 сумга кадәр, ә 2028 елда - 797 361,03 сумга кадәр артырга мөмкин.
Элегрәк РФ вице-премьеры Татьяна Голикова хәбәр иткәнчә, яңартылган ана капиталы программасы декабрьдә тәкъдим ителәчәк.