Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
2025 елда Татарстанда 15 меңнән артык яшь кеше эшкә урнаштырылган
Татарстанда «Яшьләр һәм балалар» илкүләм проектының «Яшьләр өчен мөмкинлекләр» федераль кампаниясе кысаларында яшьләргә зур ярдәм күрсәтелә. 2025 елда гына да 15 меңнән артык яшь белгеч эшкә урнаштырылган, ә төбәк предприятиеләрендә яшь кадрларны җәлеп итү буенча рекордлар куелган, дип хәбәр итә Татарстан Яшьләр эшләре министрлыгы матбугат хезмәте.
Татарстанның студент отрядлары зур предприятиеләр белән проектларны уңышлы тормышка ашыра, алар арасында: «КАМАЗ», «Алабуга Строй», «Алабуга Композит» һәм «Алабуга Топ» бар. «Алабуга» махсус икътисади зонасы мәйданчыкларында студентлар отрядлары составында бер үк вакытта 1 941 студент-төзүче һәм 954 укучы эшләгән.
Татарстан Яшьләр эшләре министры Азат Кадыйров Татарстан яшьләренең федераль проектларда һәм грант бәйгеләрендә актив катнашуын билгеләп үтте.
«Аерым алганда, «Росмолодежь. Грантлар» бәйгесенә гаризалар кабул итү дәвам итә, аның кысаларында 14 яшьтән 35 яшькә кадәрге яшьләр үз проектларын гамәлгә ашыру өчен 1 млн сумга кадәр алырга мөмкин. Бәйге 18 юнәлешне – иреклелектән һәм экологиядән алып яшьләр медиасын һәм мәдәни инициативаларны үз эченә ала», – диде ул.
«ИВолга» Идел буе федераль округының яшьләр инициативаларына ярдәм итүгә юнәлдерелгән яшьләр форумы елның мөһим вакыйгасы булачак. Чара Самара өлкәсендә узачак, анда катнашучылар үз проектларын федераль дәрәҗәдә тәкъдим итү мөмкинлеге алачак.
Традицион иҗади проектларны гамәлгә ашыру дәвам итә: республика районнарында «Созвездие – Йолдызлык» фестивале старт алды, ул ел саен меңләгән талантлы баланы һәм яшүсмерне берләштерә. Фестивальнең финал гала-концерты гадәттәгечә апрель аенда Казанда узачак.
Шулай ук 2026 елда Татарстан волонтерлары зур халыкара чараларда катнашачак. Аерым алганда, «Россия – Ислам дөньясы: KazanForum» XVII халыкара икътисади форумы өчен 650 волонтер җыела, ә 2 000 яшь кеше Екатеринбургта Халыкара яшьләр фестивален оештыруга җәлеп ителәчәк.
«Яшәү өчен инфраструктура» илкүләм проекты буенча төзекләндерү объектларына Бөтенроссия тавыш бирүен уздыру өчен волонтерлар җыю башлана. Узган ел 600дән артык волонтер халыкка парк яки сквер сайларга булышкан.
Кызыклы яңалыкларны күзәтеп бару өчен Телеграм-каналга язылыгыз