2024 елда парковкаларның бушлай эшли торган көннәре билгеле булды
Скопировать ссылку
Татарстан башкаласында киләсе елда парковкаларның бушлай эшли торган көннәре билгеле булды. Бу хакта Транспорт комитетының тиешле документында хәбәр ителә. Хәзерге вакытта ул коррупциягә каршы экспертиза уза.
Шулай итеп, автомобильчеләр өчен машина кую урыннары 1-5 гыйнварда; 8 гыйнварда; 23 февральдә; 8 мартта; 29 һәм 30 апрельдә; 1, 9 һәм 10 майда; 12 июньдә; 30 августта; 4 һәм 6 ноябрьдә; 30 һәм 31 декабрьдә түләүсез булачак.
Моннан тыш, Ураза һәм Корбан гаете бәйрәмнәрендә парковкалар бушлай эшләячәк. Әлеге көннәр соңрак ТР Рәисе Рөстәм Миңнехановның указы белән билгеләнәчәк.
Шулай ук бәйрәмнәрне күчерү сәбәпле, парковка урыннары өчен 27 апрельдә, 2 ноябрьдә һәм 28 декабрьдә түләргә кирәк булачак.