2024 елда Казанда һәм тагын биш шәһәрдә метрога биометрия технологиясен кертә башлыйлар
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
2024 елда Россиянең алты шәһәрендә, шул исәптән Казанда, метрополитенга керү өчен биометрия технологияләрен кертә башлаячаклар. Бу хакта ТАСС хәбәр итә.
«Без Россия Транспорт министрлыгы белән берлектә Россия Хөкүмәтенең өстенлекле проекты химаясендә киләсе елда алты шәһәрдә түләү мөмкинлеген тәэмин итәргә ниятләдек. Бу — Казан, Түбән Новгород, Санкт-Петербург, Екатеринбург, Самара һәм Новосибирск», — дип сөйләде журналистларга Биометрик технологияләр үзәге генераль директоры Владислав Поволоцкий.
Аның сүзләренчә, Татарстан башкаласы, Самара һәм Екатеринбургта юл карталары расланган инде.
Биометрик технологияләр үзәге Бердәм биометрик системаның операторы булып тора. Оешма Президент Владимир Путин карары нигезендә төзелгән һәм 2022 елда Министрлар Кабинеты карары белән система операторы итеп билгеләнгән.