Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
2024 елда федераль Сабан туе Кырымда булачак
Васил Шәйхразиев 2022 елда Кырымда Көньяк һәм Төньяк Кавказ федераль округларының татар активын җыярга теләк белдерде.
(Казан, 7 апрель, «Татар-информ»). Бүген Татарстан Премьер-министры урынбасары, Бөтендөнья татар конгрессы Милли Шура рәисе Васил Шәйхразиев Кырым Республикасына эш сәфәре кысаларында республика башлыгы Сергей Аксенов белән очрашты. Очрашуда Кырым Республикасы территориясендә 2024 елда Федераль Сабантуйны уздыру мөмкинлеге турында сөйләштеләр.
Сергей Аксенов Сабан туен оештыруда ярдәм күрсәтергә тырышачагын әйтте. Бу турыда Бөтендөнья татар конгрессы матбугат хезмәте хәбәр итә.
Очрашуда алар Кырымда татар телен, мәдәниятен һәм сәнгатен саклап калу һәм үстерүгә ярдәм итү мәсьәләләре һәм чаралары турында фикер алышты.
Милли Шура рәисе сүзләренчә, Бөтендөнья татар конгрессы ел саен Россия Федераль округларында татар иҗтимагый оешмалар җитәкчеләре белән округ утырышлары уздыра. 2022 елда Кырымда Көньяк һәм Төньяк Кавказ федераль округларының татар активын җыярга теләк белдерүен әйтте, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз