Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
2022 елда Россиядә кәгазь паспортлар рәсмиләштерү туктатылачак
Хөкүмәт Рәисе йөкләмәсе буенча беренче электрон паспортларны киләсе елның июлендә бирә башлыйлар.
(Казан, 17 июль, «Татар-информ»). Яңа электрон үрнәктәге документ бирү пунктларының саны өч меңгә кадәр арткач, 2022 елда Россиядә кәгазь паспортлар рәсмиләштерү туктатылачак. Вице-премьер Максим Акимов Россия Премьер-министры Дмитрий Медведев үткәргән киңәшмәдә шул хакта әйткән. Бу турыда «Российская газета» сайтында хәбәр ителә.
Хөкүмәт Рәисе йөкләмәсе буенча беренче электрон паспортларны киләсе елның июлендә бирә башлыйлар.
«Без бу эшне сынау режимында Мәскәүдә башлыйбыз», - диде Хөкүмәт Рәисе урынбасары.
Паспортларның кәгазь вариантын алыштырырга теләмәүчеләр алга таба да бернинди проблемасыз куллануын дәвам итә ала. Электрон паспорт югалган очракта, аны санаулы минутларда блокировкаларга була. Моның өчен Эчке эшләр министрлыгына яки күпфункцияле үзәккә шалтырату да җитә, дип аңлатты вице-премьер.
Әгәр кемдер документны тапса, аннан файдалана алмый, чөнки мәгълүматлар базасына мөрәҗәгать иткән очракта, картаның блокировкаланган булуы турында мәгълүмат чыга.
Кызыклы яңалыкларны күзәтеп бару өчен Телеграм-каналга язылыгыз