Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
2021 елда Татарстанда тотылган автомобильләр бәясе 24 процентка артты
Экспертлар фикеренчә, тотылган автомобильләргә кызыксыну артуга яңа машиналар җитмәү йогынты ясаган.
(Казан, 11 гыйнвар, «Татар-информ», Александр Хевронин). Татарстанда узган ел автомобиль бәясе 2020 ел белән чагыштырганда 24,2 процентка арткан һәм 385 мең сум тәшкил иткән.
Татарстанда икенчел базарда автомобильләрнең иң популяр маркалары булып ВАЗ (LADA), Kia, Hyundai, Chevrolet һәм Renault санала. Шул ук вакытта безнең ил модельләре сатуның гомуми күләменең 32 процентын били һәм иң ихтыяҗлы булып тора. Республикада LADA Kalina, LADA 2114 Samara, LADA Granta, LADА Priora һәм Kia Rio автомобильләре яхшы сатыла. Бу хакта «Авито Авто» матбугат хезмәте хәбәр итә.
Узган елда Renault маркалы (аларның бәясе уртача 15 процентка арткан) һәм ВАЗ (LADA) (15,1 процентка) автомобильләренә бәя аз гына арткан. Kia һәм Hyundai автомобильләренең бәясе дүрттән бер өлешкә күтәрелгән — 27,1 һәм 26,2 процент булган, ә Chevrolet маркалы автомобиль бәясе 1,3 тапкырга арткан.
2021 елда республикада икенчел базарда авто сатуның үсеш динамикасы 0,8 процентка артты. Экспертлар фикеренчә, тотылган автомобильләргә кызыксыну артуга яңа машиналар җитмәү йогынты ясаган.
«Татар-информ» мәгълүмат агентлыгы хәбәр иткәнчә, казанлылар автомобильләрнең икенчел базарында 70 процент очракта чит ил машиналарын сайлый.
Кызыклы яңалыкларны күзәтеп бару өчен Телеграм-каналга язылыгыз