Рәсми Татарстан 27 декабрь 2021 11:51

2021 ел нәтиҗәләре буенча Татарстанда уртача хезмәт хакы 44 мең сумнан арткан

Дәүләт федераль һәм төбәк дәрәҗәсендә балалы гаиләләргә ярдәм итә, диде ул.

Скопировать ссылку

(Казан, 27 декабрь, «Татар-информ», Егор Никитин). 2021 ел нәтиҗәләре буенча республикада уртача хезмәт хакы күрсәткече 44 мең сумнан артып китәчәк.

«Уртача хезмәт хакы дәрәҗәсе күтәрелә, ел нәтиҗәләре буенча ул якынча 44,2 мең сум булачак», — диде Татарстан Президенты Рөстәм Миңнеханов республика һәм федераль массакүләм мәгълүмат чаралары белән үткәрелгән йомгаклау матбугат конференциясендә.

Дәүләт федераль һәм төбәк дәрәҗәсендә балалы гаиләләргә ярдәм итә, дип өстәде ул.

«Без хәтта Татарстан Дәүләт Советы сессиясендә дә демография вазгыяте турында фикер алыштык, «Ата-ана батырлыгы» бүләген гамәлгә куйдык. Демография мәсьәләсе безнең ил өчен бик мөһим.

«Халык санын алуның якынча нәтиҗәләре күрсәткәнчә, республика 4 млн кешедән артып китәчәк», — диде Миңнеханов.

Аның сүзләренчә, Татарстанда шулай ук эшсезлек дәрәҗәсе тотрыкланды, хезмәт базарында киеренкелек кимеде.

#еллык матбугат конференциясе #Рөстәм Миңнеханов

Сәхифәләр

2021 ел нәтиҗәләре буенча Татарстанда уртача хезмәт хакы 44 мең сумнан арткан