Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
2020 елда Татарстандагы сәнгать мәктәпләрен төзекләндерү өчен 250 млн бирелгән
Акчалар «Мәдәният» илкүләм проекты буенча бирелгән.
(Казан, 6 октябрь, «Татар-информ»). 2020 елда Татарстан сәнгать мәктәпләрен төзекләндерү өчен башка төбәкләргә караганда федераль бюджеттан иң күп акча алган. Бу хакта Татарстанда «Мәдәният» илкүләм проектын тормышка ашыру буенча «Татар-информ»да узган матбугат конференциясендә республиканың мәдәният министры Ирада Әюпова әйтте.
«Быел Татарстан федераль бюджет буенча — лидер. Безгә сәнгать мәктәпләрен төзекләндерү өчен якынча 250 млн сум акча бирелде», — диде Әюпова.
2020 елда авыл клубларын төзекләндерү эшләре дә дәвам иттереләчәк.
«Кризислы ел, әмма бу катлаулы чорда бер генә проект та туктатылмады. Музыка уен кораллары кайтарылды, сәнгать мәктәпләрен төзекләндерәбез». — диде министр.
«Иҗади кешеләр» федераль проекты ярдәмендә 700дән күбрәк кеше квалификация арттыру курслары узган.
«Мәдәният» илкүләм проекты Россия Президенты Владимир Путин указы белән 2024 елга кадәр эшләнгән һәм «Мәдәни мохит», «Иҗади кешеләр» һәм «Цифрлы мәдәният» федераль проектларын үз эченә ала.
Кызыклы яңалыкларны күзәтеп бару өчен Телеграм-каналга язылыгыз