2019 елда Казанда дүрт яңа мәктәп төзеләчәк
Татарстан башкаласында 200гә якын яңа объект файдалануга тапшыру күздә тотыла.
Скопировать ссылку
(Казан, 18 февраль, «Татар-информ», Артур Казанцев). 2019 елда Казанда дүрт яңа мәктәп үз ишекләрен ачар дип көтелә. Татарстан башкаласы мэриясендә узган эшлекле дүшәмбе киңәшмәсендә шул хакта хәбәр иттеләр.
«Быел дүрт мәктәп сафка бастыру күздә тотыла. Аларның өчесе 2 мең 849 укучыга исәпләнгән. Дүртенче кварталда исә «Салават күпере» торак комплексында 1200 урынлы яңа мәктәп файдалануга тапшырылачак», - дип хәбәр итте Казан Башкарма комитеты җитәкчесенең беренче урынбасары Азат Нигъмәтҗанов.
Моннан тыш, 2019 ел дәвамында тагын 200гә якын объект (социаль-иҗтимагый инфраструктура, административ объектлар һ.б.) төзеләчәк.