2019 елда Федераль Сабан туе Новосибирск шәһәрендә үтәчәк
2019 елда Федераль Сабан туе Коми Республикасының Сыктывкар шәһәрендә узарга тиеш иде, бәйрәмнең уздырылу урыны күчерелде.
Скопировать ссылку
(Казан, 31 октябрь, “Татар-информ”). 2019 елда Федераль Сабан туе Новосибирск шәһәрендә үтәчәк. Бу хакта Бөтендөнья татар конгрессы матбугат хезмәте хәбәр итә.
- 2019 елда Федераль Сабан туе Коми Республикасының Сыктывкар шәһәрендә узарга тиеш иде. Кайбер сәбәпләр аркасында бәйрәмнең уздырылу урыны Новосибирск шәһәренә күчерелде.
Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиевка Новосибирск өлкәсе губернаторы Андрей Травников Федераль Сабан туен уздырырга әзер булуларын җиткерде.
Федераль Сабан туе киләсе елның 9 июньдә Новосибирск шәһәрнең яр буенда үтәчәк.