2018 елның маеннан бирле беренче тапкыр евро бәясе 70 сумнан төште
Евро курсы 69,96 сумны тәшкил итә, доллар 63 сумг чамасы тора.
Скопировать ссылку
(Казан, 25 июль, “Татар-информ”). Пәнҗешәмбе көнне “Мәскәү биржасында” сатулар барышында евро бәясе 70 сумнан төшкән. Евро 2018 елның 4 маеннан бирле беренче тапкыр шушы күрсәткечтән кимегән. Ә доллар якынча 63 сумга сатыла. Бу хакта "Интерфакс" агентлыгы хәбәр итә.
15:30 сәгатьтә евро курсы 69,96 сум булган. Ул алдагы көнне ябылу дәрәҗәсеннән 53,25 тиенгә төшкән. Ә доллар 63,02 сумга сатыла, бу алдагы көннән 27,75 тиенгә ким.
"Интерфакс" экспертлары фикеренчә, көндезге сатуларда сум еврога карата ныгыган. Хәзер төп ставкалар элеккегечә яки 2020 елның беренче яртыеллыгына кадәр булса да түбәнрәк дәрәҗәдә сакланыр дип көтелә.