2018 елгы сайлау кампаниясе хатын-кызлар саны буенча рекорд куйды
Хатын-кызларның ил белән идарә итәргә теләве бөтен дөньяга хас тенденциягә әверелде, дип саный Үзәк сайлау комиссиясе сәркатибе Майя Гришина.
Скопировать ссылку
(Казан, 25 гыйнвар, «Татар-информ»). 2018 елгы сайлау кампаниясе үзләрен ил башлыгы кәнәфиендә күрергә теләгән хатын-кызлар саны буенча рекорд куйды, дип хәбәр итә Russia Today, Үзәк сайлау комиссиясе сәркатибе Майя Гришинага сылтама ясап.
Хәзерге вакытта сайлауларда катнашу өчен ике кандидат теркәлгән, унөче имзалар җыя, дип искәртте ул.
«Әлеге 13 кандидат арасыннан Собчак, Гордон, Лисицына, Волынец, Агурбаш имзалар җыя. Әлбәттә, бу 50 процент түгел әле, әмма шуңа якынлашып киләбез», - диде Үзәк сайлау комиссиясе сәркатибе.