Спорт 1 декабрь 2017 19:08

2018 елгы дөнья чемпионатында Россия җыелма командасының көндәшләре билгеле булды

Мәскәүдә Россия шәһәрләрендә узачак чемпионатның жирәбәсе узды.

Скопировать ссылку

(Казан, 1 декабрь, “Татар-информ”, Фәрит Салихов). Бүген Мәскәүдә 2018 елда Россия шәһәрләрендә узачак футбол буенча дөнья чемпионатының жирәбәсе уздырылды. Чемпионатта катнашачак 32 команда төркем этабындагы көндәшләрен белде.

Хуҗалар буларак Россия футбол җыелмасы “А” төркемендә чыгыш ясый. Аның көндәшләре – Согуд Гарәбстаны, Мисыр һәм Уругвай командалары.

Шулай итеп, 14 июньдә, ачылыш матчында, Россия футболчылары Мәскәүнең “Лужники” стадионында Согуд Гарәбстаны җыелма командасы белән очраша. Икенче тур көндәше – Мисыр җыелмасына каршы уен 19 июньдә Санкт-Петербургта, төркемдәге соңгы уен 25 июньдә Уругвай командасына каршы Самарада уза.

#Футбол #Россия

Сәхифәләр

2018 елгы дөнья чемпионатында Россия җыелма командасының көндәшләре билгеле булды