Икътисад 23 гыйнвар 2019 18:03

2018 елда Татарстанда тендерлар күләме 131,4 миллиард сумга кадәр арткан

Муниципаль заказчылар алдагы елдагы 1,3 миллиард сум урынына, былтыр 1,17 миллиард сум гына экономияли алган.

Скопировать ссылку

(Казан, 23 гыйнвар, “Татар-информ”, Динара Прокопьева). 2018 елда Татарстанда тендерлар күләме 131,4 миллиард сумга кадәр җиткән. Бу турыда Татарстанның Сатып алулар буенча дәүләт комитеты коллегиясенең йомгаклау утырышында билгеле булды.

"Татарстанның Бердәм мәгълүмат системасы күрсәткечләре буенча, республика заказчылары тарафыннан 131,4 миллиард сумлык сатып алулар куелган”, - диелгән йомгаклау утырышына әзерләнгән материалларда.

Узган елда муниципаль заказчылар 31,9 миллиард сум чамасы тендер игълан иткән. Узган ел белән чагыштырганда, төзелгән килешүләр нәтиҗәләре буенча, бюджет акчаларын экономияләү күләме 1,3 миллиардтан 1,17 миллиардка кадәр кимегән.

2017 елда республика заказчылары 127,6 миллиард сумлык тендер тәкъдим иткән. Шул исәптә муниципаль заказчылар 31 миллиард сумлык дәүләт сатып алулары игълан иткән.

#тендер #дәүләт сатып алулар

Сәхифәләр

2018 елда Татарстанда тендерлар күләме 131,4 миллиард сумга кадәр арткан