2018 елда Татарстанда 430 урынлы өч балалар бакчасы төзелгән
Балалар бакчалары Түбән Кама, Актаныш һәм Югары Ослан районнарында ачылган.
(Казан, 9 октябрь, «Татар-информ»). 2018 елда Татарстанда 430 урынлы өч балалар бакчасы төзелгән.
Актаныш районының Пучы авылында – 120, Югары Ослан районының Түбән Моркваши авылында – 50, Түбән Кама шәһәренең 47нче микрорайонында 260 урынлы балалар бакчасы файдалануга тапшырылган.
Моннан тыш, Татарстанда 695 урынлы тагын биш балалар бакчасы төзелә.
Арча шәһәрендә – 140, Кукмара районының Ядегәр авылында – 50, Тукай районының Иске Җирекле авылында – 140, Әтнә районының Түбән Шашы авылында 25 урынлы балалар бакчасы сафка басачак.
Казанның «Светлая долина» торак комплексында «Ипотека һәм арендалы торак» программасы буенча 340 урынлы балалар бакчасы төзелә.
