Җәмгыять 6 февраль 2019 09:12

2018 елда .tatar доменын кулланучылар саны бер меңнән узган

"Кулланучыларның 67 процентын дәүләт оешмалары тәшкил итә", - ди Татарстан Мәгълүматлаштыру һәм элемтә министры.

Скопировать ссылку

(Иннополис, 6 февраль, «Татар-информ», Айдар Әхмәдиев). 2018 елда .tatar югары дәрәҗә доменының кулланучылар саны бер меңнән узды. Бу хакта ТР Премьер-министры урынбасары - мәгълүматлаштыру һәм элемтә министры Роман Шәйхетдинов "Иннополис" ИТ-шәһәрендә министрлыкның йомгаклау коллегиясендә әйтте.

“2014 елда .tatar югары дәрәҗә доменын ачып җибәрү әһәмиятле вакыйга булды. Хәзер кулланучыларның 67 процентын дәүләт оешмалары тәшкил итә”, - диде ул.

Шулай ук Министр “Татарстан контентын булдыр һәм домен исемен бушка ал” акциясе турында да сөйләде. Шартлар буенча контент татар телле булырга һәм коммерция белән бәйле булмаска тиеш. “Хәзерге вакытта кандидатлардан 10 гариза килде”, - диде Роман Шәйхетдинов.

#Роман Шәйхетдинов #.tatar домены

Сәхифәләр

2018 елда .tatar доменын кулланучылар саны бер меңнән узган