2018 елда бурычлары аркасында 176 татарстанлы чит илгә чыга алмаган
Бурычларны кире кайтаруның киң таралган ысулы, әҗәте булган кешенең исәп-хисап счетыннан акчаны алып бару, диде Игорь Безуевский.
(Казан, 30 гыйнвар, "Татар-информ", Елена Сәләхова). 2018 елда Татарстанда яшәүче 176 мең кеше бурычлары аркасында чит илгә чыга алмаган. Бу хакта Татарстан буенча Россия Суд приставлары федераль хезмәтенең йомгаклау коллегиясендә республиканың баш суд приставы Игорь Безуевский әйтте.
"Узган елда бурычларны кайтару чаралары көчәйтелде. Иң киң таралган ысул – исәп-хисап счетларыннан акчаларны алып бару. Бер ел эчендә суд приставлары әҗәтле кешеләрнең исәп-хисап счетларыннан бурычларны алу турында өч миллион артык карар чыгарды", - диде Игорь Безуевский.
2018 елда 220 мең әҗәтле үз милекләре белән куллана алмаган. Тагын ике мең кешегә машина йөртү хокукын чикләгәннәр.
