Икътисад 21 ноябрь 2016 09:22

2017 елда электрон рәвештә дәүләт хезмәтләренннән файдаланучылар 30 процент ташлама алачак

Халык арасында аеруча популяр саналган чит ил паспортын рәсмиләштерү яки автомобильне исәпкә кую кебек хезмәтләр арзаная.

Скопировать ссылку

(Казан, 21 ноябрь, “Татар-информ”). 2017 елда россиялеләр Бердәм дәүләт хезмәтләре порталыннан файдаланган вакытта федераль хезмәтләр өчен дәүләт пошлинасы түләгән вакытта ташлама алачак. Башкарма хакимият органнарының өчтән беренә түләүләр күләмен 30 процентка төшерү хокукы бирелә. Әлеге уңайдан Салым кодексына төзәтмәләрне РФ Дәүләт Думасы хуплаган инде. Бу хакта “Российская газета” яза.

Халык арасында аеруча попула саналган чит ил паспортын рәсмиләштерү яки автомобильне исәпкә кую кебек хезмәтләр арзанаер дип көтелә.

Дәүләт хезмәтләре бәясен физик затлар өчен генә түгел, шәхси эшмәкәрләр һәм юридик затлар өчен дә киметәчәкләр. “Бу чара электрон рәвештәге дәүләт хезмәтләре алуны популярлаштырыруга ярдәм итәр дип өметләнәбез”, - дип белдергән басмага РФ элемтә һәм гаммәви коммуникацияләр министры урынбасары Алексей Козырев.

#дәүләт хезмәтләре

Сәхифәләр

2017 елда электрон рәвештә дәүләт хезмәтләренннән файдаланучылар 30 процент ташлама алачак