Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
2016 елның "Яңа татар пьесасы" бәйгесенә әсәрләр кабул итү тәмамланды
Быелгы бәйгегә 50 пьеса килгән: беренче этапка йомгак 1 декабрьдә ясалачак, җиңүчеләр 22 декабрьдә игълан ителәчәк.
(Казан, 31 октябрь, «Татар-информ», Айсылу Хафизова). 31 октябрь – драматургия өлкәсендә “Яңа татар пьесасы–2016” бәйгесенә иҗади хезмәтләрне тапшырып булган соңгы көн. «Татар-информ»га Г.Камал театрының матбугат сәркатибе Илшат Латыйпов хәбәр иткәнчә, бүгенге көндә бәйгегә 50 пьеса килгән.
“Бәлки, соңгы сәгатьтә тагын пьесалар китерүчеләр булыр”, – ди Илшат Латыйпов.
Бәйгенең беренче этабы 1 декабрьдә тәмамланачак, ә хәзер бер ай дәвамында жюрига пьесаларны укып чыгарга туры киләчәк. Быелгы бәйгенең жюри составына ТР мәдәният министры беренче урынбасары Эльвира Камалова, Г.Камал театры директоры Илфир Якупов, театрның баш режиссеры Фәрит Бикчәнтәев, театр тәнкыйтьчеләре Нияз Игъламов һәм Айгөл Габәши, шулай ук Гали Арсланов, Шамил Фәрхетдинов, Гөлшат Фәттахова, Миләүшә Хабетдинова, Илдар Хәйруллин һ.б. кергән.
Икенче этапка 10-15 пьеса сайлап алыначак, аларның исемлеге матбугатта дөнья күрәчәк. Икенче этапта җиңүчеләрне билгеләячәкләр. Аларның исемнәре 22 декабрьдә игълан ителәчәк. Өч пьесаның авторлары акчалата премия белән бүләкләнәчәк.
Пьесалар бәйгесе ТР Мәдәният министрлыгы, ТР Язучылар берлеге, Г.Камал театры, “Татарстан – Яңа гасыр” телерадиокомпаниясе, “Казан утлары” журналы, “Татарстан яшьләре” газетасы тарафыннан унберенче тапкыр оештырыла.
Кызыклы яңалыкларны күзәтеп бару өчен Телеграм-каналга язылыгыз