Икътисад 26 ноябрь 2014 10:35

2015 елда Россиядә пенсияләр тулысынча индексацияләнә

Закон белән индексацияләү каралган башка пособиеләр дә компенсацияләнә

Скопировать ссылку

(Казан, 26 ноябрь, «Татар-информ»). 2015 елда Россиядә пенсияләр, инфляциягә бәйле рәвештә, тулысынча индексацияләнәчәк. Бу хакта вице-премьер Ольга Голодец белдерде.

"Российская газета" язганча, законга бәйле рәвештә, 1 февральдән иминият пенсияләре узган елгы инфляция дәрәҗәсендә индексацияләнә. Хәзерге вакытта Россия Пенсия фонды бюджеты проектына 2015 елның 1 февраленнән бары 7,5 процентка гына индексацияләү салынган.

"Шундый вазгыять туа һәм инфляция күп артып, безне индексацияләү параметрларын яңадан карарга мәҗбүр итә икән, пенсияләр индексацияләнәчәк, чөнки закон буенча ул булган инфляция дәрәҗәсендә компенсацияләнергә тиеш", - диде Голодец. Аның сүзләренчә, моның өчен акча бар һәм пенсияләр генә түгел, закон белән индексацияләнергә тиешле башка пособиеләр дә компенсацияләнәчәк.

Сәхифәләр

2015 елда Россиядә пенсияләр тулысынча индексацияләнә